me: Hi
yoyo: haai me: had BF? yoyo: BF ? me: Break Fast dude! yoyo: oh. yes! me: what you had? yoyo: steamed rice pudding! me: whaa? yoyo: IDLI ! me: WTF !.. yoyo: :) |
Wednesday, October 10, 2012
സ്റ്റീംഡ് റൈസ് പുഡ്ഡിംഗ്
Tuesday, August 7, 2012
ഉത്കര്ഷ വേവലാതി
പ്ലസ്ടൂവിനു പഠിക്കുന്നകാലം പ്ലസ്വണ്ണില് പഠിക്കുന്ന ഒരു പെണ്കുട്ടിയോടൊരു വണ്വേ ഇഷ്ട്ടം. നേരിട്ടു നോക്കാനോ, സംസാരിക്കാനോ പേടിയായിരുന്നെങ്കിലും അവളോടുള്ള ഇഷ്ടം ഒരു സ്വകാര്യമായി കൊണ്ടുനടക്കുന്നകാലം. അങ്ങനെ അവളെ നോക്കിയും കണ്ടും മനസ്സുനിറക്കുന്ന ദിവസങ്ങളില് എനിക്കൊരു സംശയം "അവള്ക്ക് എന്നേക്കാള് സ്വല്പ്പം പൊക്കക്കൂടുതലുണ്ടോ?"
ഒരു ദിവസം ലാസ്റ്റ് പിരിയഡിനു മുമ്പുള്ള ഇന്റര്വെല് സമയം. അവള് കൂട്ടുകാരിയോട് സംസാരിച്ചു നില്ക്കുന്നതിനടുത്തുള്ള ചുമരില് അവളുടെ പൊക്കം ഏതുഭാഗത്താണെന്നു നോക്കിവെച്ചു. ബെല്ലടിച്ച് അവര് ക്ലാസ്സിലേക്ക് തിരിച്ചുപോയപ്പോള് വേഗം ചെന്ന് നോക്കിവെച്ച ഭാഗത്ത് പേനകൊണ്ട് ആരും കാണാതെ മാര്ക്ക് ചെയ്തുവെച്ചു. വൈകുന്നേരം ക്ലാസ്സുംവിട്ട് എല്ലാവരും പോയപ്പോള് ഒരു കള്ളനെപ്പോലെ പതുങ്ങിച്ചെന്ന് അതില് എന്റെ നീളവുമായി ഒത്തുനോക്കി. ഹോ ഭാഗ്യം! ഒരിഞ്ചോളം ഞാന് തന്നെ നീളക്കൂടുതല്.
ലാസ്റ്റ് പിരിയഡില് അന്നു ഞാനനുഭവിച്ച ടെന്ഷനും നീളം ഒത്തുനോക്കിയപ്പോഴുള്ള സന്തോഷവും ഓര്ക്കുമ്പോള് ഇന്നും മനസ്സില് ഒരു ജാള്യത പുഴുങ്ങിയ പുഞ്ചിരി വിടരും.
ഒരു ദിവസം ലാസ്റ്റ് പിരിയഡിനു മുമ്പുള്ള ഇന്റര്വെല് സമയം. അവള് കൂട്ടുകാരിയോട് സംസാരിച്ചു നില്ക്കുന്നതിനടുത്തുള്ള ചുമരില് അവളുടെ പൊക്കം ഏതുഭാഗത്താണെന്നു നോക്കിവെച്ചു. ബെല്ലടിച്ച് അവര് ക്ലാസ്സിലേക്ക് തിരിച്ചുപോയപ്പോള് വേഗം ചെന്ന് നോക്കിവെച്ച ഭാഗത്ത് പേനകൊണ്ട് ആരും കാണാതെ മാര്ക്ക് ചെയ്തുവെച്ചു. വൈകുന്നേരം ക്ലാസ്സുംവിട്ട് എല്ലാവരും പോയപ്പോള് ഒരു കള്ളനെപ്പോലെ പതുങ്ങിച്ചെന്ന് അതില് എന്റെ നീളവുമായി ഒത്തുനോക്കി. ഹോ ഭാഗ്യം! ഒരിഞ്ചോളം ഞാന് തന്നെ നീളക്കൂടുതല്.
ലാസ്റ്റ് പിരിയഡില് അന്നു ഞാനനുഭവിച്ച ടെന്ഷനും നീളം ഒത്തുനോക്കിയപ്പോഴുള്ള സന്തോഷവും ഓര്ക്കുമ്പോള് ഇന്നും മനസ്സില് ഒരു ജാള്യത പുഴുങ്ങിയ പുഞ്ചിരി വിടരും.
Wednesday, July 4, 2012
Monday, May 28, 2012
എന്റെ മാത്രം
എന്റെ പ്രൊഫൈല്
എന്റെ കവര് ചിത്രം
എന്റെ പോസ്റ്റുകള്
എന്റെ കമന്റുകള്
എന്റെ ലൈക്കുകള്
എല്ലാം എന്റേതു മാത്രം.
എന്റെ സ്വാര്ത്ഥത മാത്രം.
Monday, May 21, 2012
പ്രമേഹം
അവന്പറഞ്ഞു
"മനസ്സിന് മാറ്റാന് പറ്റാത്ത മുറിവുകളില്ല."
അവള് പറഞ്ഞു
"നീ പറഞ്ഞ പഞ്ചാരവാക്കുകള് കേട്ട് എന്റെ മനസ്സിന് കടുത്ത പ്രമേഹം വന്നിരിക്കുന്നു"
അവന് ഒന്നും മിണ്ടിയില്ല.
അവള് കരഞ്ഞു.
Monday, May 14, 2012
അവള്
മരണത്തിന്റെ തണുപ്പുനുകരാന് വെമ്പി നടന്നവള് ചെന്നെത്തിയത് ഒരുകൂട്ടം ചെന്നായ്ക്കളുടെ ഇടയിലേക്കായിരുന്നു.
അവിടെ നിന്നും ജീവനില് കൊതിപൂണ്ട് അവള് തിരിഞ്ഞോടി.
Tuesday, May 8, 2012
വെറുതെ
[അവള്] : i hate you!
[അവന്] : [ദുഃഖത്തിന്റെ സ്മൈലി]
[അവള്] : തിരക്കാണോ?
[അവന്] : അതെ, അന്ന് പറഞ്ഞില്ലേ ഒരു പാര. ഇവിടെ ഉണ്ട്.
[അവള്] : [കരയുന്ന സ്മൈലി]
[അവന്] : [കരയുന്ന സ്മൈലി]
വെറുതെ ചാറ്റ് ഒരാവര്ത്തി കൂടി വായിച്ച് അവള് ജിടോക്ക് ലോഗൗട്ട് ചെയ്തു.
Thursday, May 3, 2012
എന്റെ പ്രണയം
ഞാന് പതിവുപോലെ അവളോടു പറഞ്ഞു..
"പ്രിയേ ഞാന് നിന്നെ സ്നേഹിക്കുന്നു"
അവള് പറഞ്ഞു.
"എനിക്കറിയാം"
അന്നും ഞാന് വിഷാദമുഖമുള്ള ഒരു ചിരിവരുത്തി മെല്ലെ തിരിഞ്ഞുനടന്നു!
അന്നും ഞാന് വിഷാദമുഖമുള്ള ഒരു ചിരിവരുത്തി മെല്ലെ തിരിഞ്ഞുനടന്നു!
Tuesday, March 6, 2012
സ്വപ്നക്കുറി
ഇന്നാണാ കാത്തിരുന്ന ദിവസം. ലോട്ടറി എടുത്ത അന്നു മുതല് ഒരുമാസമായി കാണുന്ന സ്വപ്നമാണ് ഒരു മണിമാളിക, പുതുപുത്തന് കാറ്, കയ്യില് പുതിയ ഐഫോണ്, ഒരു ലാപ്ടോപ്പ്, പൈസ കടം വാങ്ങിയ ജോസിന്റെ മുഖത്തേക്ക് പുച്ഛത്തോടെ വലിച്ചെറിയുന്ന നോട്ടുകെട്ടുകള് അങ്ങനെ എല്ലാം.
രാവിലെതന്നെ പത്രമെടുത്ത് ലോട്ടറി റിസള്ട്ട് പേജ് നോക്കിയ നിമിഷം തന്നെ ജോസിനെ വിളിച്ചു.
"ജോസേട്ടാ പൈസ ഞാന് അടുത്തമാസം എങ്ങനേലും തരാം"
രാവിലെതന്നെ പത്രമെടുത്ത് ലോട്ടറി റിസള്ട്ട് പേജ് നോക്കിയ നിമിഷം തന്നെ ജോസിനെ വിളിച്ചു.
"ജോസേട്ടാ പൈസ ഞാന് അടുത്തമാസം എങ്ങനേലും തരാം"
Saturday, March 3, 2012
പാണ്ടിവചനം
ഒന്നായാല് നന്നാകും,
നന്നായാല് ഒന്നാകും...
ഒന്നായിട്ടു നന്നാകാമെന്നു വെച്ചാലോ, നന്നായിട്ട് ഒന്നാകാമെന്നു വെച്ചാലോ ഒന്നുമാകില്ല...
Thursday, February 16, 2012
ലഡ്ഡു
രാവിലെ നടക്കാനിറങ്ങിയപ്പോള് അതാ ഒരു സുന്ദരിക്കുട്ടി നോക്കി പുഞ്ചിരിക്കുന്നു!
ഏയ് എന്നോടായിരിക്കില്ല..
സംശയം തീര്ക്കാന് ഞാന് എന്റെ പുറകിലേക്ക് തിരിഞ്ഞു നോക്കി..
ഇല്ല അവിടെയാരുമില്ല!!!
ഇനി എന്റെ മുഖത്ത് വല്ല പുതിയ വൃത്തികേടും കണ്ടിട്ട് ചിരിവന്നതോ മറ്റോ ആണോ?
റോഡിനടുത്ത് പാര്ക്ക് ചെയ്ത ബൈക്കിന്റെ കണ്ണാടിയിലൊന്നു പാളി നോക്കി...
എപ്പോള് കണ്ണാടിയില് നോക്കിയാലും കാണുന്ന സ്ഥിരം വൃത്തികേടല്ലാതെ പുതിയതൊന്നും കാണാനില്ല.
"ദൈവമേ ഇന്ന് കണി കണ്ടവനെ എന്നും കാണിച്ചുതരണേ..."
Thursday, February 9, 2012
സാദാ ലോറിപോലെയല്ല പാണ്ടിലോറി
അങ്ങനെ പാണ്ടിയും തുടങ്ങി ഒരു ബ്ലോഗ്. ഇന്നത്തെ കാലത്ത് ഒരു ബ്ലോഗില്ലാ എന്ന് പറയുന്നത് ഒരു കുറച്ചിലല്ലേ? അതുകൊണ്ട് പാണ്ടിക്കും ഇരിക്കട്ടെ ഒരു ബ്ലോഗ്.
പാണ്ടിലോറിയില് ഒരിക്കലും നിങ്ങളുടെ വിലപ്പെട്ട സമയം കാര്ന്നു തിന്നുന്ന തരത്തില് കാണ്ഡം കാണ്ഡമായി നീണ്ടുകിടക്കുന്ന പോസ്റ്റുകള് ഉണ്ടായിരിക്കില്ല (അങ്ങനെ എഴുതാന് പാണ്ടിക്ക് അറിയില്ല എന്നതാണ് യാഥാര്ത്ഥ്യം). ഓരോ പോസ്റ്റും പാണ്ടിയുടെ ഫേസ്ബുക്ക് കമന്റുകള് പോലെത്തന്നെ മൂന്നോ, നാലോ മാക്സിമം അഞ്ചോ സെന്റന്സില് ഒതുക്കിക്കൊണ്ടുള്ള (ചിലപ്പോള് അതില് കൂടിയാല് ഒന്നും പറയരുത്) ഒരു മൈക്രോ ബ്ലോഗ് ആണ് പാണ്ടി ഉദ്ദേശിക്കുന്നത്.
നിങ്ങളുടെ ഏവരുടെയും സഹകരണം പ്രതീക്ഷിച്ചുകൊണ്ട് ഇതാ സമര്പ്പിക്കുന്നു "പാണ്ടിലോറി"
അനുഗ്രഹിക്കൂ... സഹിക്കൂ...
അനുഗ്രഹിക്കൂ... സഹിക്കൂ...
Subscribe to:
Posts (Atom)